The post ستة سنين بعد الثلاثين first appeared on Baya.tn.
]]>
نهارت إلي عملت الثلاثين، حزنت، بكيت، لين تنفخت العينين.. حكايات حبي الكل فاشلة و علاقاتي الكل داخلة في حيط و قداش منمرة تخطبت وبطلت و وصلت مائة مرة للعين وعمري ما شربت.. بكيت لين شبعت .. أما مبعد، مسحت دموعي و قلت “أنا مرا، أنا قويّة، أنا بألف راجل و صنعت روحي بإديّا، نعيش مبارة و لا نعطي للذّل كار، و لا حاجتي براجل ولا بصغار”، قلت هكاكة وسكّت.. مانيش عارفة بالحقّ نخمم هكاكة ولا نصبّر في روحي بكلمتين و نضمّد في جروح تنين..
دخلت الثلاثين نكركر في الساقين، وزدت العام و العامين و فاتو على الثلاثين ستّة سنين، ومكتوبي مازال ما وصلش، ما نعرفش عليه، وخّر، بطى، إدّعثر في الثنية، عامل بلعاني عليا، ماهوش جاي من أصلو، الله أعلم.. وماعاد حدّ يقلّي مازلت صغيرة أتو تاخذ.. ولّي كانو يقولولي “ربّي يقوي سعدك” و “ربّي يخفف مكتوبك” و “ربّي يجيبلك ولد الحلال إلي يستاهلك”.. ولاّو يقولولي “محسوب آش تعمل به راجل”، “كل واحد آش هزّت مغرفتو” و “عند ربّي خير” ولا “تي مازلت تتشرط؟ تي خوذ إلي يجي وكهو!”.. وتصنّفت رسميّاً في “قائمة العوانس”..
قعدت كان أنا ما خذيتش، وفدّيت، فدّيت من عروسات صحباتي ونفاسات بنات خالتي و من شريان الكادوات و رميان الفلوس، هاوحنّة، هاو وطيّة، هاو مطهّر وكبّوس.. تي ماهمش خير منّي صحباتي، تي آنا أزين وحدة في بنات خالاتي.. كهبّت على الأربعين و لا عاد متلفتلي نديدي ولا إلّي في الخمسين.. نديدي يلوّج في بنت العشرين، ياخدها و يبني معاها حياة و دار على طاقين، ولّي في الخمسين، يلوّج على خليلة في عمر بناتو، يرجّع بها شبابو و يعطيها إلي في جيابو..
نكذب.. حاجتي بيهم الراجل والصغار.. إي نحب نجيب صغير ونتعب ونتعذب و نسهر الليل و نلبّس الكوش ونحضّر الببرون و نمشي للفارماسي في أنصاف الليالي ويتحيّر على صغيري بالي، ونهزّ للرّوضة و نحمل في الدار الحوسة والفوضى ونخدم ونشقى ونصرف وناخذ قروضات ونتحمل مسؤوليات، المهم نجيب صغيّرات يملاو عليا الحياة..
و نحب راجل، إي نحب راجل يحبني ونحبو، و ميسالش كان تعاركنا ويسبّني ونسبّو ونباتو غضبانين و نصبحو متسامحين، و نهار يعجبو الفطور ونهار آخر يخرج يفطر في الشارع.. نهار يقول “نحبّك” و نهار يقلّي “ابعدني”.. نهار يقلّي “محلاك” ونهار يقلّي “نحب نرميك مالشبّاك”..
تعبت وفديت و جرات بياّ الأيامات و مشيت لوليا صالحين و لعرّافات، فلوسي مشات، إلي قتلي مكتوبك معقود في قبر مهجور، وإلي قتلي جابولك من المغرب بخور و سعدك مسحور ولازمك تذبح سردوك في داركم، تحت الصّور.. هبلّوني، عقّدوني، علّي بيّا زادوني.. مرجوني.. نحبّ نعرس.. نحب دار و راجل وصغار.. نحب روبة بيضة وحجامة ومكياج و تصاور و فيديووات و فواياج دو نوس و حواسات، و تنقص عليا الكلامات و السلامات و نستدعى الناس إلي سخفو عليا ولّي شمتو فيا ولي قالو ما عرستش خاطر ماهيش صبيّة ولي خطبوني و كي وفى المكتوب سبّوني وحلفولي إلي حتى راجل ما ياخوني.. نحب نعرس على خاطري و على خاطرهم.. آنا إلي نحب نشوف صغاري واحفادي.. و هوما إلي تعبوني و ظلموني و حكمو عليّا، لا قالو مكتوب ربي ولا رحموني..
صوت أنثى
The post ستة سنين بعد الثلاثين first appeared on Baya.tn.
]]>The post Je veux un homme! first appeared on Baya.tn.
]]>
Je veux un homme qui part avec moi dans un voyage sans destination, avec un sac à dos, rien que la main dans la main… Qui se plonge avec moi d’une montagne à l’aube, dans une mer profonde sans crainte ni peur…Qui m’écrit de petits mots d’amour un peu partout, dessine sur le miroir de la salle de bain avec mon rouge à lèvre un grand cœur contenant nos initiales, et se souvient de toutes les dates marquant notre couple…Je veux un homme qui me lit… qui me suit… qui me fait autant de critiques que de compliments… qui me critique pour me faire avancer et pas pour m’emmerder… pour me faire sentir que je suis capable du meilleur… Un homme avec qui je ne stagne jamais… Un homme qui s’adresse à mon cerveau et à mon cœur simultanément…
suite page 2
The post Je veux un homme! first appeared on Baya.tn.
]]>