Contribution d’une lectrice: Aujourd’hui, j’ai 30 ans et je ne suis toujours pas mariée! A baya, on a trouvé le texte touchant et on a voulu le garder dans sa version originale: en tunisien!

مازلت ما خذيتش راجل.. يقولو مكتوبي رزين يقولوا تولدت في نهار حزين يقولوا مسكينة كهّبت على ألثلاثين البارح عملتهم الثلاثين و قدّاش تجري السنين من العشرين إلى ألثلاثين

 وعلى قد ما كنت فرحانة كي عملت ألعشرين على قد ما حزنت كي غلقت الثلاثينالثلاثين صعيبة.. الثلاثين كئيبة.. الثلاثين سكّين.. اليوم تتحل الأفّام.. من خالاتي لعمّاتي لجاراتي وحتى أقرب صاحباتي..

اليوم يحكيو على بابوري إلي زفّر وترينويا إلي فات و شبابي إلي مات..

اليوم يقولوا تشرّطت على أولاد النّاس لين قعدت مبارة..

إي شبيه كان خذات لطفي ولد حبارة، التاكسي متاعو إدخل في الذهب حتى كان طرطارة..

 و حامد ولد عمتها، و برّى بطّال ما يخدمش، أهيكا هي تخدم، و ياما قلتلها عمّتها خوذ وليدي راك ما تندمش..

اليوم يجيوني صحباتي يلوموني على أشرف إلي حبّني و بكى عليا الدمّ و أنا خليتو غاطس في الهمّ وقلت قرايتي أهمّ..

اليوم نتذكّر إلي حبّوني و دلّلوني و شراووني، أما في وقت خايب جاووني

نتذكّر خالد كي كان يجيبلي وردة حمراء كل صباح و قلّي نحبّك لين ريقو شاح.. أما خالد كان زوّالي ما عندو شي، وبابا كي سمع بالهدرة، قلّي أنساه، أنا فلان ولد فلان، ما إنّاسب كان أولاد الأعيان.. خالد اليوم ناب عليه ربيّ و عمل دويرة و صغيّرات و دارت عندو الدّوالب و الآفاريّات.. و أنا.. قاعدة بجنب سي بابا نستنّى في ولد الباشاوات

مخيبها الثلاثين، مخيبهم العينين، مخيبهم الجيران النّسناسين، مخيبهم في الخدمة كي نتعدّى يقولو بربّي آش ناقصها، زين وعين وخدمة وأصل وفصل..

suite page 2


2 Commentaires

  1. c’est tellement vrai, j’ai trop aimé et comme elle dit rabi i9awi s3ad kol sbéya weli mé khthétéch rajél mé oufétéch edénia…. maktoub 🙂

  2. J’ai 34 ans, je suis encore célibataire et je me retrouve parfaitement dans cet article. Bravo à l’auteure et comme elle a dit, il faut être forte, sûre et fière de sois-même. L’age veut dire sagesse et accomplissements dans la carrière et sur le plan social et il faut savoir valoriser et mettre en avant ces qualités pour garder la tête haute dans la société et intimider et décourager “ettame3a” qui veulent profiter de la situation. Et rabbi ya3ti li koll wa7da (et we7ed zeda :)) ma tetmanna.

LAISSER UN COMMENTAIRE

Please enter your comment!
Please enter your name here